(RFP NO: MMA01/19)
Malta Air Travel Ltd (Malta Medair) qed tippjana li tintroduċi servizz regolari u skedat ta’ titjiriet bil-ħelikopter għall-passiġġieri bejn l-Ajruport Internazzjonali ta’ Malta u l-Ħeliport ta’ Għawdex, u viċi-versa.
Il-ħelikopter mistenni jġorr mill-inqas 15-il passiġġier flimkien mal-bagalji tagħhom.
Il-fornitur tas-servizz mistenni jipprovdi servizzi regolari, adegwati u ta’ kwalità permezz tal-ħelikopter/s tiegħu, bejn iż-żewġ gżejjer.
Dawk interessati jistgħu jitolbu d-dokumentazzjoni tas-sejħa għal proposti billi jibagħtu email fuq: [email protected].
Il-proposti għandhom jaslu fit-18 ta’ Ġunju 2019, strettament bejn id-09:00 u s-14:00, permezz tal-email [email protected] jew bl-idejn fl-uffiċini tagħna: Malta Med Air Offices – Administration Block A – Aviation Park, Aviation Avenue Luqa 9023 bl-envelopp indirizzat:
“TALBA GĦAL PROPOSTI GĦALL-PROVVIŻJONI TA’ SERVIZZI TA’ TRASPORT BL-AJRU TAL-PASSIĠĠIERI U L-BAGALJI BEJN MALTA U GĦAWDEX”